أيمن بهجت قمر يدافع عن رانيا علواني بعد أزمتها مع جمهور الأهلي
المصدر بوابة أخبار اليوم . akhbarelyom. أخبار المشاهير
ملحوظة .. حقوق الخبر محفوظة ل موقع "أخبار اليوم" و له فائق التحية و الاحترام
علق الشاعر أيمن بهجت قمر عن عضو مجلس إدارة النادي الأهلي رانيا علواني، بعد مهاجمتها لمشجع أهلاوي، عبر حسابها بموقع التواصل الاجتماعي «تويتر».
وكتب أيمن بهجت قمر في تغريدة على تويتر: "ومين حقق لمصر زي رانيا علواني ؟! نموذج مصري مشرف والبوست اللي كتبته كان واضح وبصراحة فيه بعض الشباب بيفهم الكلام غلط ومابيسألش قبل ما بيغلط.. الكورة في مصر أقل بكتير من الرياضات الأخرى ! بلاش نفرَّح اللي عايزين يشمتوا فينا ودول ما أكثرهم.. احنا بشر وساعات مابنقدرش نسكت".
واشتبكت رانيا علواني مع مجموعة من متابعيها على موقع التواصل الإجتماعي "تويتر" عقب نشرها لأحد التدوينات التي هاجمت فيها لعبة كرة القدم وطالبت بدعم الرياضات الأخرى.
وعلقت عضو مجلس الأهلي، قائلة: «حد تاني واخد باله أن رياضتنا وأبطالنا السنة دي زي الفل في كل اللعبات، إلا الكورة هما دول اللي يستأهلوا بجد عاش أبطال مصر نوظف مواردنا صح بقى، ليرد المشجع: لا إحنا واخدين بالنا من الفشل المستمر في الاختيار جوه النادي من يوم ما المجلس مسك وكنتوا معشمنا أن النادي في طريقه الصحيح للإصلاح وإعادة مكانته وفي الآخر طلعنا بنغرق أكتر ما كنّا».
وقالت علواني: «هو حضرتك ما أخدتش الدوري، وأشار المشجع: لا حضرتي طلعت بفضيحة من صن داونز وخسرت من بيراميدز في الكأس ولو المقياس الدوري ما مجلس الاستاذ محمود طاهر كسبه يبقى وقفنا ضدهم ليه».
وانفعلت عضو مجلس الأهلي: «والله حضرتك روح اطلب من كابتن الخطيب بنفسك، هو شخصيًا ولجنة الكرة اللي بيختاروا المدربين لأن دي حاجة فنية، المدرب ده واللي قبله واللي قبله، وواصلت: هو ده الجهل بعينه، لما تتكلم على ألعاب مصر اللي كسبانة واللعيبة اللي في الألعاب كلها اللي شرفونا من كل الأندية مش الأهلي بس وباقول لازم نشجعهم، يقوم كام واحد متكلمين برده عّن الكورة والمدرب والفشل ! حاجة غريبة بجد».
وأضافت: «أنا ما عنديش حاجة اخاف منها ومجلس الادارة ما اختارش حد و لا المرة دي و لا اللي قبلها و أظن الكابتن واضح جدا في الاعلام ان هو محدد اختصاص جهاز الكرة كويس،انا مش هاسمح لحد يقول كلام مالوش أساس من الصحة.
واختتمت: احنا ما اختارناش، اللي اختار لجنة كلكم عارفينها، حاسبوها هيا علي اللي فات و اللي جاي مش تيجوا علي اللي هايرد عليكم بأدب».
ومين حقق لمصر زي رانيا علواني ؟! نموذج مصري مشرف والبوست اللي كتبته كان واضح وبصراحه فيه بعض الشباب بيفهم الكلام غلط ومابيسألش قبل ما بيغلط .. الكوره في مصر اقل بكتير من الرياضات الأخرى ! بلاش نفرَّح اللي عايزين يشمتوا فينا ودول ما أكثرهم.. احنا بشر وساعات مابنقدرش نسكت twitter.com/RaniaElwani/st…
تعليقات
إرسال تعليق