محمد دياب : أزمة "عمرو وردة" قصة الجزء الثاني من فيلم "678"
أعلن المؤلف محمد دياب، عن التحضير لجزء ثاني من فيلمه «678»، على أن تكون قصته مستوحاة من أزمة عمرو وردة لاعب منتخب مصر، العائد إلى صفوف الفريق بعد يومين من استبعاده على إثر اتهامات بالتحرش الجنسي.
كتب دياب عبر حسابه الشخصي على «الفيس بوك»، إلى معكسر المنتخب استجابة لرغبة اللاعبين، وقال: «الناس الكتييير اللي محبطه من اللي حصل في موضوع ورده، لسه عندنا كتير نقدر نعمله. من أول مقاطعه المنتخب، لغاية إننا نروح الاستاد و نشجع ضدهم».
تابع: «لو في مصر وردة يقدر يهرب من العقاب فاليونان اللي بيلعب فيها وإنجلترا -اللي بيلعب فيها اللاعيبه اللي ايدوه- بلاد مبتتسامحش في التحرش..في أوروبا القصه بتفاصيلها الواضحة لما تتعرف بقوه السوشيال ميديا، ميه في الميه هتأثر في كاريرهم وهتشوفوا وردة فريقه بيسرحه».
استطرد محمد دياب متحدثًا عن التحرش: «من خبرتي المتواضعه في موضوع التحرش عشان الفيلم الي عملته وقضيت فيه ٣ سنين بحاول أفهم المتحرش بيفكر ازاي، ورده متحرش محتاج علاج نفسي وإعادة تأهيل بس بسبب أن الموضوع اتحل بسهوله فهو مش هيسعي للعلاج ومؤكد هيرجع يعمل مصيبة، حتي لو اتجوز فممكن يضرب مراته مثلاً».
اختتم «دياب» حديثه بالكشف عن تفاصيل فيلمه الجديد، موضحًا: «شخصياً قررت أن الموضوع ده هيبقي ٦٧٨ الجزء التاني، عشان لما صلاح والمحمدي يلاقوا اسمهم في كل مهرجانات العالم و جرايد العالم الفنيه مربوط بأنهم ايدوا متحرش يبقوا يعرفوا أن الله حق، وكل شخص مشهور هيفكر يشاركنا أفكاره الرجعية المدمرة يفكر ألف مرة».
يذكر أن فيلم «678» تم عرضه عام 2010، وهو من بطولة نيللي كريم، ماجد الكدواني، بشرى، ناهد السباعي، باسم سمرة وأحمد الفيشاوي، وهو من تأليف وإخراج محمد دياب، وتناول الفيلم قضية التحرش الجنسي عن طريق تناول قصص 3 نساء من طبقات اجتماعية مختلفة، يجمعهن واقعة التعرض للتحرش.
تعليقات
إرسال تعليق