الحاجة ألطاف تتحدث لليوم السابع
اليوم السابع - اخبار مصر - تبرع الحاجة ألطاف
وجهت الحاجة ألطاف محمد مصطفى درويش المقيمة بقرية الهياتم مركز المحلة رسالة استغاثة للرئيس عبد الفتاح السيسى، تستنكر فيها تجاهل المسئولين تنفيذ طلبها ببناء مدرسة على قطعة على مساحة 9 قراريط ملكها كانت قد قررت التبرع بها لإقامة مدرسة فنية للبنات رغبة منها فى التخفيف عن كاهل أبناء قريتها والقرى المجاورة لها ومساهمة منها فى النهوض بالعملية التعليمية. وأضافت فى تصريحات لـ"اليوم السابع": "أقول للرئيس السيسى يا ريس محدش نفذ لى طلبى ونفسى اشوف المدرسة قبل ما أموت". كان "اليوم السابع" قد التقى بالحاجة "ألطاف" وقالت فى تصريحات سابقة: "أنا نفسى قبل ما أموت أقابل الرئيس عبد الفتاح السيسى، وأقوله أنا بحبك وأنا اخترتك واديتك صوتى وأنا مش طالبة أى حاجة من الدنيا قبل ما أموت، إلا إنى أشوف المدرسة اللى حلمت بيها". وأضافت أنا زرت بيت الله الحرام 9 مرات منهم حجتين و7 عمرات وبدعيلك وبدعى لمصر إن ربنا يحميها ويكرمها ويوفقك يا ريس ومش عاوزة حاجة من الدنيا غير المدرسة وتبقى صدقة جارية لما أموت".
المصدر اليوم السابع
تعليقات
إرسال تعليق