بالفيديو| تامر أمين يطالب بمنع شيرين من الغناء: "مش قادرة تظبط لسانها"

المصدر الوطن . elwatannews.com . أخبار المشاهير

هاجم الإعلامي تامر أمين المطربة شيرين عبدالوهاب، بسبب تصريحها الأخير "والله أنا خسارة في مصر" أثناء حفلة رأس السنة والتي أحيتها مع الفنان صابر الرباعي.

وقال أمين، خلال تقديمه برنامج "آخر النهار" المذاع عبر فضائية "النهار"، "شيرين تحيرك متعرفش إن كنت تحبها بسبب صوتها التحفة وحنجرتها الرائعة وأغانيها وقدرتها على الطرب وحاجة تشرف إن عندك صوت مصري حلو كده".

وتابع، "وتحير كمان إنك متعرفش تكرهها وتزعل منها بسبب أفعالها وسلوكياتها ولسانها اللي طول الوقت بيقول كلام مش مسؤول وبتسيئ لنفسها وللناس وللبلاد".

وأضاف، "واضح إنها مش قادرة تظبط لسانها في الحفلات اللى على الهوا"، مستطردا، "مفيش حد خسارة في مصر".

وأردف، "لا أنا آسف التريقة على البلد مش هنسمح بيها تحت أي بند وواضح إن شيرين عندها مشكلة ولازم نحط حد لهذه المهزلة، لأننا مش هنسمح بالإساءة لبلدنا بالشكل ده".

وطالب أمين نقيب المهن الموسيقية الفنان هاني شاكر بالتدخل لوقف "الهرتلة"، مطالبًا بمنع شيرين من الغناء "لايف" في الحفلات والاكتفاء بالأعمال المسجلة.