معلمون يسخرون من "الزي الموحد": "ألبس الرصاصي يا قناوي هنجوزك هنومة"
أثار قرار توحيد زي المعلمين ردود فعل واسعة عبر موقع التواصل الاجتماعي "فيس بوك"، ما بين مؤيد ومعارض وآخرين يستفسرون عن آلية التطبيق، وسخر كثيرين من القرار مطالبين برواتب موحدة مميزة للمعلم.
وعلق المعلمون: "هو ده اللي شاغلكم قال زي موحد قال للمدرسين، مفيش مرتب موحد مفيش زيادات، حسوا بينا شوية الله يرضى عنكم كرهتونا في المهنة اللي بنحبها"، ورفض المعلمون تحملهم مصاريف الزي الموحد، مستشهدين بأن باقي فئات المجتمع لا تتحمل ثمن الزي الخاص بهم، مطالبين بضرورة رفع مستوى المعلم وزيادة راتبه على أساسي 2019 بدلا من أساس 2014.
وتساءل عدد من المعلمين عن آلية تطبيق الزي الموحد "هل سيكون لهيئة التدريس فقط أم سيشمل الإداريين ومعاونين الخدمات"، وقال بعضهم: "بالنسبة للمدير محدش يعرف هيلبس لون إيه؟"، ورد البعض مازحا: "هيلبس مخطط أبيض في أسود، هيلبس في الحيطة، عايزين نسأل زيادة مرتباتنا فين؟، نقول المرتب والمكافأة على أساسي 2019، يقولك زي موحد".
وسخر عدد منهم بلقطة من مشهد بفيلم "باب الحديد": "ألبس يا قناوى الجاكيت الرصاصي بتاعك، وهنجوزك هنومة"، ودشن عدد من المدرسين "هاشتاج لا للزي الموحد"، رافضين تعميم التجربة على جميع المدارس.
وكانت محافظة الوادي الجديد طبقت تجربة الزي الموحد للمدرسين في المدارس، بحيث يرتدي المعلم اللون الرصاصي والمعلمة اللون البني، والإداري اللون الأخضر الغامق، والخدمات المعاونة اللون الأزرق.
تعليقات
إرسال تعليق