والد طفل "عايز أنام يا حاجة": "هنقله من المدرسة.. والوزارة اعتذرت لي"

المصدر الوطن.  www.elwatannews.com . أخبار

قال أحمد صالح، والد الطالب "محمد"، المعروف بطفل فيديو "عاوز أنام يا حاجة، في الفصل بسبب رغبته في النوم، إنه سينقل طفله من المدرسة بسبب سخرية زملائه منه، بعد انتشار الفيديو له وهو يبكي، موضحاً أن طفله مصاب بكسر في قدمه ويخضع لجلسات علاج طبيعي.

وأضاف والد الطفل: "ابني فك الجبس قبل المدرسة بيومين وبياخد مسكنات، هو بيعيط من الوجع، لكن الناس ما سابتهوش في حاله، واتريقت عليه واتهمونا بإننا معرفناش نربيه، مع إن مفيش منه اتنين"، وعن قول ابنه الذي يدرس بالصف الأول بالمرحلة ابتدائيه لمُدرسته "يا حاجة"، يقول صالح: "لما كان في الحضانة كان بيقول للمُدرسة يا ميس، لكن لأن ده كان أول يوم مدرسة فهو مش مستوعب إن دي مدرسة برضو، والكلمة طلعت منه تلقائية لأننا متعودين أن الست الكبيرة في السن نقولها يا حاجة".

ويوضح الأب، الذي يعمل نجارا، أن مكتب وزارة التربية والتعليم تواصل معه أمس، لتقديم اعتذار له، مؤكدين له أن الوزارة ستتخذ جميع الإجراءات اللازمة لمعاقبة المخطئ، مضيفاً: "قالو لي اعمل محضر رسمي واللي انت عاوزة هنعمله، لكن أنا مش هعمل حاجة لأني مش عايز مشاكل لحد، وكفاية اللي حصل لنا من امبارح وهكتفي يالإجراء اللي هتتخذه الوزارة".