تويتر وفيس بوك يشتعلان سخرية من ضبط نجل مرسى بالحشيش.. نشطاء: "مش عيب تجيبهم فرط؟".. و"بتقضى منين يا شقى؟".. وأنباء عن تأسيس "حركة محششين ضد الانقلاب".. وتغيير شعار "رابعة" إلى "بفرة" و"جوينت كبير"

تغيير شعار "رابعة" إلى "بفرة"

تصاعدت وتيرة ردود الأفعال الساخرة والمنقسمة حول أنباء القبض على نجل الرئيس المعزول محمد مرسى، أثناء تعاطيه الحشيش داخل سيارة مع أحد أصدقائه بالعبور، كالعادة اشتعلت مواقع التواصل الاجتماعى بالسخرية من الحدث ومن نجل مرسى.
كتب أحد النشطاء قائلا: "يعنى الداخلية يوم ما تلفق لابن مرسى هتلفق سيجارتين حشيش! أنتو مش بتقولوا إنها بتلفق آلى وجرينوف؟ جت عند ابن مرسى ولمت إيدها؟ ما بالعقل حبة".
كما تعاطف مستخدم آخر بشكل ساخر مع عبد الله كاتبا: "وفيها إيه لما ابن مرسى يشرب حشيش إذا كان الرئيس الشرعى نفسه الدكتور محمد مرسى حفظه الله ورعاه كان بيصطبح دايما قبل خطاباته!". 
وقال ناشط: "لو صحت التهمة، فيها إيه يعنى إن ابن مرسى بيشرب حشبش؟ بيعمل زى ما ملايين المصريين بيعملوا"، أما أطرف التعليقات فكانت "الناس اللى بتتريق إن ابن مرسى بيشرب حشيش اتقوا الله.. أنتم أبوكوا لو عامل زى مرسى كان زمانكم بتاخدوا سرنجات".
وأعلن مجموعة من النشطاء تأسيس حركة ساخرة تحت شعار "محششين ضد الانقلاب"، تزامناً مع إلقاء القبض على عبد الله، كما تم تصميم شعار الحركة ليكون مشابها لنفس شعار رابعة ولكن مع كتابة "بفرة" بدلا من "رابعة" على الخلفية الصفراء الزاعقة، مع وجود جوينت عملاق بين الأصابع الموجودة فى الصورة بالتأكيد.
وأوضح ناشط "اللى بيقول كدب وافترى، ليه كنت معاهم لما قبضوا عليه، وليه هيفتروا عليه، أصلا عبد الله بيحشش من زمان، وكان مرمى على القهاوى بالقومية بالزقازيق وفاشل, إيه المشكلة يعنى اشمعنى ده اللى هيفتروا عليه، مكان أولى أنهم يأخدوا أخوه الكبير لأن ده من زمان كده معروف".
وعلقت إحدى الناشطات، على القبض على ابن المعزول قائلة: "يارب افضح هؤﻻء الإخوان الكذابين كمان وكمان، ويا رب نور بصيرة المغيبين اللى مصدقين أن دول بتوع ربنا، وﻻ أراهم إﻻ أنهم يفعلون كل ما هو ضد دين الله اﻷسلام، كلهم كذب قتل خراب دمار إرهاب".

المصدر اليوم السابع