إزاى أتعامل مع الأشخاص ذوى الإعاقة

كتبت : جومانة خالد - المصدر : النور

معاملة الشخص ذو الإعاقة ليست بالشئ الصعب أوالمعقد .
إذا أردت أن تساعد ولا تعلمكيف , ببساطة شديدة اسأل الشخص أة استفسر عن كيفية مساعدته .
لكل ذى إعاقة طريقة صحيحة فى التعامل , مع اختلاف تلك الطريقة بين كل شخص واخر.

كل ما يريده الشخص ذو الإعاقة الإحترام

الأدوات اللى بنستخدمها علشان تساعدنا هى حاجة خاصة بينا , فياريت ما تمسكهاش أو تحركها من مكانها .

1- قبل ما تساعد شخص ذو إعاقة اسأله يمكن هو مش محتاج مساعدة أو لازم تساعده بطريقة معينة علشان لا تضره .

2- خلى بالك إن ممكن تصرفات بسيطة , من وجهة نظرك ,تقلل من إحترامك له .

3- لو عايز تقوله حاجة أو تسأله على حاجة وجه كلامة للشخص نفسه مش للشخص اللى معه.

الإعاقة الحركية :

============

1- الكرسى المتحرك يعتبر جزء من الشخص ذى الإعاقةفلا تسند أو تعلق حاجة عليه .

2- لو هو بيستخدم عكاز ومرة واحدة سندت عليه من غير ما تسأله ممكن توازنه يختل ويقع .

الإعاقة البصرية :
===========

1- لو حابب تساعده اسأله وخليه يمسك فى ذراعك , لا تشده أنت من ذراعه .

2- مافيش داعى تعلى صوتك وأنت بتكلمه , هو مش معنى إنه كفيف إنه مش سامعك .

3- عرف نفسك لما تتكلم معه عشان مش ضرورى أعرفك أول ما أسمع صوتك .

4- لو هو ضعيف البصر ,هيحتاج الكلام يكون واضح وبحروف كبيرة .

5- لو أنتم قاعدين مع بعض قل له قبل ما تمشى عشان ما يكملش كلام وأنت مش موجود .

الإعاقة السمعية :
===========

1- مش معنى إنه أصم , إنك تعلى صوتك أوى وأنت بتكلمنى أو تشد على الكلام بشفايفك , ببساطة اتكلم بطريقة هادئة وبسيطة .

2-لو هو أصم ,  شاور له أو خبط على كتفه براحة عشان تلفت انتباهه قبل ما تكلمه .

3- وأنت بتتكلم قف فى النور ومتشتتش انتباهه بإنك تأكل لبان أو تدخن غشان يعرف يقرأ شفايفك .

4 - لو معه مترجم إشارة وجه الكلام له ليس للمترجم .

الإعاقة الذهنية :
=========

1- خذ رأيه قبل ما تأخذ قرار بالنيابة عنه .

2- الروتين مهم بالنسبة له وعشان كدة , لو فى حاجة اتغيرت بيأخذ وقت طويل لحد ما يتأقلم على الوضع الجديد .