برديس تقرر الاعتزال بعد وفاة الراقصة غزل: "كنت في غفلة"

المصدر الوفد . اخبار الفن

أعلنت الراقصة برديس اعتزال الرقص نهائيًا والتبرأ من أي فيديوهات تنشر لها بعد وفاة صديقتها الراقصة غزل.

كتبت الراقصة عبر حسابها بموقع "فيس بوك" قائلة: "لكل حبايبي وأخواتي وأصحابي اللي بيحبولي الخير أحب أقولكم أنا اعتزلت الرقص الشرقي تمامًا، قرار لا راجعة بجد أد إيه الإنسان لسان في ثانيه عند ربنا، وأنا كنت علي علم بكده بس بجد الواحد كان في غفلة".

تابعت: "قسما بالله إن أول مره أفقد حد كنت بشوفه قدام عيني من نفس المجال، والله العظيم من يوم سماعي الخبر وأنا مدمرة".

كشفت برديس عن سبب عدم حضورها الجنازة قائلة: "والله العظيم كنت خارج مصر، بس الله يرحمها وقطع لسان أي حد يجيب سيرتها محدش عالم بظروف حد إلا ربنا، فالحمد لله ده قراري بجد".

قالت الراقصة: "على فكرة أنا مش لبسه الحجاب، أنا عايشه حياتي بالتزام وعايشه سني إلي بيضيع مني في مجال كله ياله نفسي".

دعت برديس: "ربنا يديني الخير ويديني الذرية الصالحة، وأنا مش مسؤلة عن أي صفحه تنزل صور ببدل أو أي فيديوهات أو أي كليب نزل".

أكملت: "أي حاجة هتنزل دي حاجات قديمة أنا صفحتي دي الشخصية، وأنتو كلكو أصحابي وبحبكم، ربنا يحسّن خاتمتنا وموت الغفلة ويهدينا جميعًا".

عادت برديس بنشر منشور تطالب أصدقائها بغلق أي صفحة من الصفحات التي تنشر الصور الخاصة بها، قائلة: "ياريت كل أصحابي يقفلوا أي صفحة من الصفحات إلي عليها صور الشغل ويعملو شير لأصحابهم".

أضافت: "دي مساعدة منكو ليا ريبورت لأي صفحة ناس عاملها ليا، الله يجزيكم خير إن شاء الله".