هالة أبو السعد ل مرتضى منصور : لا أخاف و يورينى هيعمل ايه

قالت النائبة "هالة أبو السعد" عضو مجلس النواب فى مُداخلة هاتفية لبرنامج "حضرة المواطن: قالت إنه "يفعل المهازل تحت القبة"، مخاطبة إياه "مينفعش نضيع وقت البرلمان فى حسابات شخصية، مش عايزين ناخد وقت الـ 90 مليون فى أمور شخصية". وأضافت: "إحنا جايين نشيل هموم المصريين، ومحتاجين مصر تقف على رجلها اللى بيعمله مرتضى منصور تحت القبة مهزلة"، متابعة: "محتاجين نبص لمصالح المواطنين، لازم نحس بالناس، أنا مش بتكلم على شخص بعينه ولا بقول فلان ضد فلان، ما يهمنى 90 مليون بنى آدم، مش هنضيع مصالح المواطنين عشان مصالح شخصية". وتابعت: "حتى لو كان الموضوع الذى أثاره مرتضى منصور يمس كرامة المصريين، هناك أولويات محتاجين نشعر باحتياجات المواطنين منقعدش نتخانق فى البرلمان". 

عن غضبها من تهديدات مرتضى منصور لها، وقالت: "أنا مش بخاف منك، وورينى هتعمل إيه؟". "أنا مش بخاف غير من ربنا سبحانه وتعالى"، متابعة: "مينفعش نائب يهدد نائب آخر، أنا نائبة زيى زيك" "ما قلته لمرتضى منصور عن رفضى لإثارة مشاكله الشخصية داخل المجلس، كان معبرا عن جموع النواب، وهم صفقوا لى بعدما انتهيت من حديثى"