عمرو أديب لـ "شيرين" : "أوعي ترجعي تغني تاني"

قال الإعلامي "عمرو أديب" خلال برنامجه "القاهرة اليوم" المذاع على فضائية "اليوم" مهاجماً كلا من يطالب الفنانة شيرين عبدالوهاب بالعدول عن قرار اعتزالها، قائلاً "أوعي ترجعي تغني تاني".

وأضاف  "كل الناس قالت لشيرين ليه كده وزعلانين، حتى عمرو مصطفى اللي متخانق معاها أنا الوحيد اللي بأيدها"موجهاً بعد ذلك كلامه ل شيرين "أوعي ترجعي عن قرارك وترجعي تغني تاني، أنتي حققتي للغناء والفن ومش محتاجة تكملي بعده، كفاية وجاهة السبب وراء اعتزالها هي قالت بناتي محتاجني أمي محتاجني أنا خلاص هقعد جنبها .. معدتش عندنا الفكر ده وحد يقرر أن يسيب حاجة للحياة العائلية والأسرة والطفل".وقال "أوعي ترجعي تغني تاني خالص ده لو كان بناتك هما السبب فعلا، احترمت جدا ده فيها، كتير فينا مش فاضي يربي عيالنا، ومش بتكلم عن الناس المضطرة تشتغل بتكلم عن واحدة زي شيرين وصلت للمجد والغناء والمال وقلعت الجزمة ولبستها تاني وكل أغانيها حلوة ".