دينا صاحبة أجمل بلكونة: زرعتها خضراوات ونباتات زينة

المصدر الوطن . اخبار الجمال

عشق دينا القصاص للون الأخضر، وحبها للتغيير والاختلاف، جعلها تحول هيئة وملامح بلكونتها من مجرد مساحة مستطيلة مليئة بالأتربة، وتطل من خلالها على الشارع، إلى مساحة مليئة بالخضرة والسحر والجمال ونسيم الهواء المعطر: «ماكانش عاجبنى شكل البلكونة، فاتحديت نفسى بأنى أخليها أجمل بلكونة فى مصر». منذ 4 أعوام وتحاول «دينا» التى تعيش فى طنطا، أن تجمل بلكونتها: «لما أخدت قرار الزراعة فى البلكونة، كنت عارفة إنى هصبر كتير لحد ما نتيجته تظهر وتبان»، حيث تأخذ زراعة بعض أنواع النباتات فترة كبيرة من الوقت حتى تنضج وتبدأ فى الازدهار، وبحسب «دينا» فإن زراعة الليمون تأخذ سنة حتى تظهر ثمارها أما الياسمين الهندى فيأخذ 3 سنوات.

لم تكتف «دينا» بزراعة زهور الزينة فقط من الريحان والنعناع والياسمين البلدى والهندى والفل والورد البلدى وعباد الشمس، لكنها اهتمت أيضاً بزراعة بعض الأعشاب التى تحتاجها بالمطبخ، مثل الفلفل والليمون والكرفس والروز مارى والزعتر والقرنفل: «الموضوع مكلفنيش كتير جبت البذور بس، ونجيلة صناعى غطيت بيها أرضية البلكونة كلها كلفتنى 900 جنيه».

تقوم «دينا» بتنظيف النجيلة بالمكنسة الكهربائية ورشها بأى مبيد حشرى مضاد للنمل: «ناس كتير حذرتنى إن الزراعة ممكن تجيب حشرات فى البلكونة بس الحمد لله بقالى 4 سنين معنديش أى حاجة لأنى مهتمة بالمكان جداً»، الزراعة تحتاج لمجهود وعناية ودراية بطبيعة زراعة كل نوع من النباتات: «فيه نباتات بتحب ميه كتير وزهور الشمس بتموتها فلازم تتحط فى الضل، وفيه بعض الزراعات بتكون موسمية». وتعد بلكونة منزل «دينا» من أهم مسببات البهجة والسعادة بالنسبة لها فى الفترة الحالية: «أنا صبرت كتير لحد ما الزرع كبر وبقى شكله منور جوه البلكونة، وكل الناس بقت معجبة بالبلكونة بتاعتى».