فيديو.. توفيق عكاشة يحدد الموعد المحتمل لارتدائه «طرحة» على الهواء

توقع الإعلامي توفيق عكاشة انخفاض سعر البامية العام المقبل من 30 جنيهًا إلى 3 جنيهات، بينما سيرتفع مجددًا في السنة التي تعقبها، ووعد بارتداء «طرحة» على الهواء إذا لم يتحقق ما يقوله.وأوضح «عكاشة»، أثناء حلوله ضيفًا على الإعلامية حياة الدرديري، على قناته «الفراعين»: «الفلاح عارف، اخدمي الزرعة تجيب، طيب أنا مبشتغلش هجيب منين؟ منين أجيب، وعمال اتكلم على الأسعار، يا عم الحج أنت بتتكلم على أسعار طين، طيب أنا هقولك على حاجة دلوقتي، مش البامية النهاردة، وخلي الناس كلها تسمع الكلام اللي بقوله وكل بني آدم في مصر يكتب الكلام ده ورايا، ونتحاسب عليه السنة الجاية زي دلوقتي، أقسم بالله العلي العظيم لو ما حصل لألبس طرحة، طرحة زي ما الفلاحين بيقولوا واطلع على الهواء لابس طرحة وحدة ست، اللي هقوله دلوقتي لو محصلش».

وأضاف: «مش كيلو البامية دلوقتي بـ30 جنيه، احنا في شهر 5، السنة الجاية في شهر 5 هيبقى بـ3 جنيه».

وتابع: «إحنا الفلاحين شفنا الزرعة صحت عند جارنا الغيط كله هيزرع بامية، فاتحة للنبي لمصر كلها السنة الجاية هتزرع بامية، هيقوموا ضاربين ابامية، السنة اللي بعد اللي جاية هترجع بـ30 جنيه تاني، لأن فيه سوء تفكير، وسوء توزيع، مفيش حد عنده حاجة اسمها دراسة سليمة للوضع، كله بيطلع يخرف، المشكلة بتاعة مصر دلوقتي في حاجة واحدة بس، في القيادات».

المصرى اليوم